د تخنیکي او مسلکي زده کړو ادارې اصلاحي غونډه ترسره شوه
د تخنیکي او مسلکي زده کړو ادارې اونيزه اصلاحي غونډه د دغې ادارې د جومات د ملا امام مولوي عبدالحى مظهري په وينا د کارکوونکو په حضور کې ترسره شوه.
په دغې غونډه کې ښاغلي مظهري په خپله وینا کې د ایمان، آخرت او د خدای په عذاب خبرې وکړې.
نوموړي ايمان د انسان شتمني وبلله او ويې ويل: نفس او شيطان د ايمان دوه دښمنان دي.
مظهري زیاته کړه چې په دنیا کې مال او سرمایه د آخرت عذاب نه کموي. په دې برخه کې يې د قارون کيسې یادونه وکړه.
هغه وويل اخلاص او پاک اعتماد په آخرت کې د عفوي او بښنې سبب ګرځي.
غونډه د خیر دعا په ویلو سره پای ته ورسده.
