د تخنیکي او مسلکي زده کړو ادارې اصلاحي غونډه ترسره شوه
د تخنیکي او مسلکي زده کړو ادارې اصلاحي غونډه د یادې ادارې د کارکوونکو په ګډون او د جامعة عبدالله ابن مسعود د استاد ښاغلي شیخ نقیب الله په وینا سره ترسره شوه.
ښاغلي شیخ نقیب الله په دې درسي جلسه کې، د مومنانو په ورځني ژوند کې د قناعت او صداقت د رول په اړه خبرې وکړې.
نوموړي وويل چې قناعت د مؤمنان لپاره د سعادت او خیر لامل دی همداراز هغه دا هم زیاته کړه چې په صداقت او امانتدارۍ سره د کاري چارو ترسره کول عبادت ګڼل کیږي.
دغه راز شیخ نقیب الله د دې ښوونیز پروګرام له ګډونوالو هم وغوښتل چې د خپلو کاري چارو په ترسره کولو کې صادق اوسي او د الهي نعمتونو شکرانه ادا کړي.
د غونډې په دوام کې نوموړي د قناعت او امانت دارۍ د حکمتونو په اړه خپلو خبرو ته دوام ورکړ، او غونډه د دعایې په ویلو سره پای ته ورسېده.
