د تخنیکي او مسلکي زده کړو ادارې اصلاحي غونډه ترسره شوه
د تخنيکي او مسلکي زده کړو ادارې اونيزه اصلاحي غونډه د تعلیمي او تحصيلي چارو د عمومي رئيس مولوي مبشر آغا په وينا او د دغې ادارې د کارکوونکو په حضور کې ترسره شوه.
په دغې کتنه کې مولوي مبشر آغا د وخت په ارزښت خبرې وکړې او له هغې څخه په اغېزمنه استفادې يې ټينګار وکړ.
نوموړي دغه راز د قرانکريم د مبارکو ايتونو يادونه وکړه او ويې ويل، ټول مسلمانان بايد هڅه وکړي چې خپل وخت په خیر کار او د خداى د رضا لپاره وکاروي.
دغه غونډه د افغانستان د خلکو لپاره د خیر دعا په ویلو سره پای ته ورسیده.
