د تخنیکي او مسلکي زده کړو ادارې، د آزموینو ملي ادارې او دکابل ولایت مقام تر منځ درې اړخیزه ناسته ترسره شوه
دکابل ولايت دتخنيکي زده کړو آمریت په يوه درې اړخيزه غونډه کې د آزموينو ملي ادارې له رييس او دکابل ولايت مقام له مسوولينو سره وکتل .
د دې غونډې محور، د تخنیکي او مسلکي زده کړو په مرکزونو کې د فکري او عقیدتي زده کړو د پیاوړتیا په اړه بحث، ویل شوی.
په دې ناسته کې درې واړو لوریو د تخنیکي او مسلکي زده کړو ادارې، د آزموینو ملي ادارې او د کابل ولایت د مقام ترمنځ د ګډې همکارۍ په اړه خبرې وکړې.
دغه راز په دې ناسته کې د آزموینو د اخیستو، د درسي کتابونو د چاپ او وېش پر څرنګوالي خبرې وشوې او په دې اړه لازمې پرېکړې ونیول شوې.
د آزموينو ملي ادارې رئيس محترم شيخ عبدالباقي حقاني په دې ناسته کې؛ ځوانان د هېواد د ملا تیر په توګه ياد کړل او زياته يې کړه، چې یاده اداره د ځوانانو خدمت ته ژمنه ده.
له بلې خوا د کابل ولایت د تخنیکي چارو آمر استاد رفیع الله حبیبي وايي، هڅه کوي د کابل ولایت د تخنیکي او مسلکي زده کړو د مرکزونو ستونزې له مسوولینو سره د ناستو په ترڅ کې هوارې شي.
