د تخنيکي او مسلکي زده کړو ادارې څخه يو ټیم چين ته سفر کړی دی
دتخنیکي او مسلکي زده کړو ادارې د بشري سرچينو رئيس ښاغلي انجنير محمد مکاشف په مشرۍ د یادې ادارې د کارکوونکو يوه ډله د زده کړو په موخه چين ته ولاړه.
دغه کارکوونکي چې شمېر يې ۹ تنه دی، د چين په يو پوهنتون کې د تعليمي مديريت په برخه کې د ۱۳ ورځو لپاره زده کړې ترسره کوي.
د يادونې وړ ده، چې د تخنيکي او مسلکي زده کړو ادارې کارکوونکي له افغانستان سره د چين د همکاریو په چوکاټ کې دغه هېواد ته تللي دي.
په همدې حال کې د تخنيکي او مسلکي زده کړو ادارې مشرتابه له افغانستان سره د چين هیواد د همکاريو د ژمنتیا په برخه کې قدرداني کوي.
