د تخنيکي او مسلکي زده کړو ادارې پلاوي د غزني ولايت له تخنیکي مرکزونو څخه ليدنه وکړه
د تخنیکي او مسلکي زده کړو ادارې یوه پلاوي د یادې ادارې د تخنیکي او مسلکي چارو مرستیال محترم مولوي غلام سعید احساس په مشرۍ غزني ولایت ته د سفر په ترڅ کې د دغه ولایت د تخنیکي او مسلکي زده کړو له مرکزونو څخه لیدنه وکړه.
په دې کتنه کې د قره باغ ولسوالۍ کثیرالرشتوي مسلکي لیسه، د جاغوري ولسوالۍ کثیرالرشتوي انسټيټوټ او د غزني ولایت د مقر ولسوالۍ کثیرالرشتوي انسټيټوټ تدریسي چارې څېړل شوي دي.
دغه پلاوي د ښوونیزو مرکزونو ستونزې او ننګونې له نږدې وکتلې د دغو مرکزونو ستونزو او ننګونو ته د رسیدګۍ په برخه کې یې د همکارۍ ژمنه هم وکړه.
دغه راز یاد پلاوي د کتنې په ترڅ کې له مسوولينو وغوښتل تر څو د محصلينو لپاره د عملي زده کړو د پياوړتيا په برخه کې زياتې هلې ځلې وکړي.
په ورته وخت کې دغه پلاوي د چارو د لا ښه والي په موخه د غزني ولایت د تخنیکي او مسلکي زده کړو د مرکزونو کارکوونکو او مسوولینو ته لازمې لارښوونې او مشورې هم وکړې.
