د تخنيکي او مسلکي زده کړو ادارې سرپرست بلخ ولايت ته ورسېد
ښاغلي مولوي غلام حیدر شهامت د خپلو ولایتي سفرونو په دوام بلخ ولایت ته ورسید. نوموړي په بلخ ولایت کې د تخنیکي او مسلکي زده کړو له یو شمېر مرکزونو څخه لیدنه وکړه.
د تخنيکي او مسلکي زده کړو ادارې سرپرست بلخ ولايت ته د خپل سفر په ترڅ کې د یاد ولايت د نفت او ګازو د انسټيټوټ وضعیت وڅېړه او د دغه ښوونيز مرکز له زده کوونکو سره يې وکتل.
ښاغلي شهامت د نفت او ګازو د انسټیټوټ له روزنیزو ورکشاپونو او تجهیزاتو څخه هم لیدنه وکړه.
نوموړي دغه راز د دغه ښوونيز مرکز د محصلینو د نوښتونو او لاسته راوړنو ستاينه وکړه او د دوی لا زیات ملاتړ ژمنه يې وکړه.
ښاغلي مولوي غلام حیدر شهامت د نفت او ګازو د انسټیټوټ له استادانو او کارکوونکو سره هم ناسته ترسره کړه. په دغې ناسته کې د ستونزو د حل او اړتیاوو ته د رسیدو په لارو چارو خبرې وشوې.
د تخنيکي او مسلکي زده کړو ادارې سرپرست ولايتونو ته خپل سفر ته دوام کې او اوسمهال په بلخ ولايت لاړ. په پام کې ده چې ښاغلی شهامت به د بلخ ولایت له نورو تخنیکي او مسلکي مرکزونو څخه د لیدنې ترڅنګ د دغه ولایت له سیمه ییزو چارواکو سره هم وګوري.
د تخنیکي او مسلکي زده کړو ادارې پلاوي سفر په ولایتونو د تخنیکي او مسلکي زده کړو د مرکزونو د ستونزو او اړتیاوو د حل په موخه ترسره کیږي.
د تخنيکي او مسلکي زده کړو ادارې پلاوي دغه سفر له بغلان ولايت څخه پيل او د کندز، تخار او سمنګان ولايتونو ته هم لاړ.
