د تخنيکي او مسلکي زده کړو ادارې د اکاډميکو چارو انسجام بورډ غونډه د حق الزحمه لایحې په اړه ترسره شوه
د تخنيکي او مسلکي زده کړو ادارې د اکاډمیکو چارو انسجام بورډ ځانګړې غونډه د دغه ادارې د تخنيکي او مسلکي چارو مرستيال مولوي غلام سعيد احساس په مشرۍ ترسره شوه.
په دغه غونډه کې د علمي کادرونو د حق الزحمه لایحې نهایي کولو په هکله بحث وشو.
ښاغلي احساس ټینګار وکړ چې دغه لایحه باید د شریعت او د تخنیکي او مسلکي زده کړو ادارې له موخو سره سمه وي.
د تخنيکي او مسلکي چارو مرستيال دغه راز وويل، چې حق الزحمه لایحه بايد داسې ترتيب شي، چې عدالت تامين شي او وړ کسان د حق الزحمه امتیاز ترلاسه کړي.
په دغه ناسته کې د یادې لایحې ټولې مادې کارشناسي او وڅېړل شوي او نیمایي یې هم نهایي شوه.
