د بشري سرچینو رئيس، د ولايتونو د تخنيکي آمریتونو د بشري سرچینو مديران تقدیر کړل
د تخنیکي او مسلکي زده کړو ادارې د بشري سرچینو رئیس، ښاغلي انجنیر مولوي محمد مکاشف د یو لړ مراسمو په ترڅ کې د ولایتونو د تخنیکي آمریتونو د بشري سرچینو د مدیرانو کړنې وستایلې.
په دې مراسمو کې نوموړي د بشري سرچینو د مدیرانو وړاندیزونو او غوښتنو ته ځوابونه وویل او څرګنده یې کړه چې د بشري سرچینو مدیران باید په پوره روڼتیا او ایماندارۍ سره خپلې دندې ترسره کړي.
دا په داسې حال کې ده، چې هغوی مخکې د علامه لوړو زده کړو په مؤسسه کې د بشري سرچینو د مدیریت په هکله په یو روزنیز سیمینار کې ګډون کړی و.
