د انرژۍ او اوبو انسټيټوټ محصلینو د نغلو او ماهیپر بریښنا بندونو څخه لیدنه وکړه
د کابل ولایت د انرژۍ او اوبو انسټيټوټ محصلینو په یوه علمي سفر کې د کابل ولایت د تخنیکي او مسلکي آمر ښاغلي استاد رفیع الله حبیبي په حضور د نغلو او ماهیپر د برېښنا بندونو څخه لیدنه وکړه.
په دغه علمي سفر کې نوموړو ته د برښنا بندونو د بیلابیلو برخو په اړه روزنه ورکړل شوه او استادانو محصلینو ته د بریښنا د تولید د څرنګوالي په اړه په مفصل او عملي بڼه توضیحات وړاندې کړل.
استاد رفیع الله حبیبي وايي، بېلابېلو برخو ته د محصلینو علمي سفرونه د محصلینو د زده کړې لپاره ډېر ګټور دي.
محصلینو هم د بریښنا بندونو ته د علمي سفر څخه خوښي څرګنده کړه او له مسؤلینو څخه یې وغوښتل چې دا ډول سفرونو زمینه د دوی لپاره مساعده کړي.
