د افغان ټکنالوژۍ انسټیټوټ د فارغانو د فراغت مراسم ترسره شول
د افغان ټکنالوژۍ د انسټیټوټ د 138 تنه فارغانو د فراغت غونډه د تخنیکي او مسلکي زده کړو ادارې په تالار کې ترسره شوه.
دوی د موټرو او ماشین تخنیک، برښنایی انجینرۍ او کمپیوټر ساینس څخه فارغ شول.
د تخنيکي او مسلکي زده کړو ادارې تخنيکي او مسلکي چارو مرستيال مولوي غلام سعيد احساس زده کړیالانو ته د فراغت مبارکي وويله او له هغوى يې وغوښتل چې د علم په زده کړه کې هلې ځلې وکړي.
هغه زیاته کړه، هر هغه علم چې انسان ورته اړتیا لري، زده کول یې فرض دي.
ښاغلي احساس وویل چې د پرمختللو هېوادونو د پرمختګ لامل د ځوانانو پوهه او زیار دی.
غونډه فارغانو ته د تصدیق پاڼو پر ویشلو سره پای ته ورسیده.
د دې مراسمو په یوه برخه کې د افغان ټکنالوژۍ انسټیټوټ د زده کړیالانو د تولیداتو او نوښتونو نندارتون څخه لیدنه ترسره شوه.
د تخنیکي او مسلکي چارو مرستیال له نندارتون څخه لیدنه وکړه او نوښتګر زده کړیالان یې وهڅول.
