د آمرینو او نظارتي مدیرانو په ورکشاپ کې د مولوي غلام سعید احساس ګډون او وینا
د تخنیکي او مسلکي زده کړو ادارې د تخنیکي او مسلکي چارو مرستیال ښاغلي مولوي غلام سعید احساس د ولایتونو تخنیکي او مسلکي آمرینو او نظارتي مدیرانو په ورکشاپ کې چې په کابل ولایت کې پیل شوی دی، ګډون او وینا وکړه.
نوموړي په یاد پروګرام کې د خپلو ویناوو په ترڅ کې وویل چې د ولایتونو تخنیکي آمرین باید له دې برنامې څخه ګټه پورته کړي.
د تخنیکي او مسلکي چارو مرستیال د ولایتونو د تخنیکی او مسلکي زده کړو مرکزونو د مسؤلینو له هلو ځلو څخه د قدرداني ترڅنګ زیاته کړه چې هغوی باید خپل مسؤلیتونه په پوره اخلاص او صداقت سره، سرته ورسوي.
د یادونې وړ ده چې تخنیکي او مسلکي زده کړو ادارې د ولایتونو د تخنیکي او مسلکي زده کړو آمرینو د ظرفیت لوړولو لپاره شپږ ورځنی ورکشاپ پلاره اچولی چې موخه یې د چارو ښه والی او د تخنیکي او مسلکي زده کړو مرکزونو ننګونو ته رسیدګي ویل شوې ده.
