«هنز دوبي» د تخنیکي او مسلکي زده کړو ادارې له مسؤلینو سره لیدنه وکړه

media_admin
سه‌شنبه ۱۴۰۲/۱۲/۱۵ - ۹:۲۵
tveta

«هنز دوبي» د جرمني هېواد تقاعد شوو لپاره د پالیسۍ د پراختیا حقوقي ارشد مشاور، د تخنیکي او مسلکي زده کړو ادارې، د پلان او ستراتیژیکو همغږیو له رئیس، مولوي نېک محمد نېکمل سره لیدنه او خبرې اترې وکړې. 

په دغه لیدنه کې د افغان ـ جرمن انجمن او همدارنګه د افغان جرمن خونې مسؤلینو حضور درلود.

د دغه  خبرو اترو اساسي محور، د تخنیکي او مسلکي زده کړو په اداره کې د «جي آی زیډ» مؤسسې بیا فعالېدل ګڼل شوي دي.

په همدغه ناسته کې د پلان او ستراتيژیکو همغږیو رئیس د تخنیکي او مسلکي زده کړو ادارې او د هغه د موخو به هکله جزئیات وړاندې کړل.

همدارنګه نوموړی به دغه ناسته کې د تخنیکي او مسلکي زده کړو په اداره کې د «جي آی زید» مؤسسې د بیا فعالېدو غوښتنه وکړه.

د جرمني هېواد د تقاعد شوو لپاره حقوقي مشاور وعده ورکړه چې د «جي آی زید»  مؤسسې له مسؤلانو سره به خبرې اترې کوي، ترڅو هغوی تشویق کړي چې په افغانستان، په ځانګړې توګه د تخنیکي او مسلکي زده کړو په اداره کې یوځل بیا خپل فعالیتونه پیل کړي.

له بل پلوه د افغان ـ جرمن انجمن رئیس په دغه ناسته کې د حرفوي زده کړو په برخه کې د تخنیکي او مسلکي زده کړو ادارې سره د همکارۍ وعده وکړه.

تازه خبرونه

چهارشنبه ۱۴۰۳/۱۱/۲۴ - ۱۰:۲۶
Background image

د تخنیکي او مسلکي زده کړو ادارې د کارمندانو لپاره د ظرفیت لوړونې پروګرام جوړ شو

د تخنیکي او مسلکي زده کړو ادارې اړوند د کارکوونکو چارو ریاست د یادې ادارې د یو شمیر کارمندانو لپاره د ظرفیت لوړونې پروګرام جوړ کړ. دغه پروګرام به ۴۵ ورځې دوام وکړي، چې په ترڅ کې به یې. . .

سه‌شنبه ۱۴۰۳/۱۱/۲۳ - ۱۵:۱۶
Background image

د لابراتواري تجهیزاتو په اړه د لغمان د مرکز اړوند کرنې او وترنرۍ انسټیټوټ د محصلینو د عملي زده کړو بهیر

د لغمان ولایت د مرکز اړوند کرنې او وترنرۍ انسټيټوټ د وترنرۍ څانګې محصلینو ته د لابراتواري تجهیزاتو په اړه په عملي بڼه روزنه ورکړل شوه. لارښود استاد د درس په ترڅ کې، محصلینو ته د. . .

سه‌شنبه ۱۴۰۳/۱۱/۲۳ - ۹:۲۶
Background image

د لغمان ولایت د مرکز کثیرالرشتوي انسټیټوټ محصلینو ته د بریښنا په اړه روزنه ورکړل شوه

د لغمان ولایت د مرکز اړوند کثیرالرشتوي انسټيټوټ د بریښنا څانګې محصلینو ته د یاد مرکز د عملي کارونو په ورکشاپ کې د بریښنا په اړه په عملي بڼه روزنه ورکړل شوه. همدارنګه، د درس په دوام کې،. . .

BACK TO NEWS