د تخنیکي او مسلکي زده کړو ادارې مشرتابه د روسیې د کارپوهانو او ودانېزو چارو وزارت مسؤلینو سره خبرې اترې وکړې

media_admin
پنجشنبه ۱۴۰۲/۶/۹ - ۱۳:۴۳
مجازي ناسته

د تخنیکي او مسلکي زده کړو ادارې مشرتابه د روسیې د کارپوهانو او ودانېزو چارو وزارت له مسؤلینو سره مجازي ناسته خبرې اترې وکړې.

غونډه د روسیې د کارپوهانو او ودانېزو چارو وزارت د نړیوالو اړیکو د مشرې اناستازیا میخایلوف په وینا پیل شوه او د روسیې د ساختماني نهادونو  ښوونیزې برخې او د تخنیکي او مسلکي زده کړو ادارې ترمنځ د همکارۍ په برخو کې یې خبرې وکړې.

د تخنيکي او مسلکي زده کړو ادارې سرپرست مولوي غلام حيدر شهامت هم د دغې ادارې په اړه خبرې وکړې او د ادارې هغه برخې يې په ګوته کړې، چې همکارۍ ته اړتيا لري.

ښاغلي شهامت د روسیې تېرو همکاریو ته په اشارې سره وویل چې د کابل د تخنیکم انسټیټوټ ودانۍ د روسیې او افغانستان ترمنځ د همکارۍ یوه نمونه ده.

د تخنيکي او مسلکي زده کړو ادارې سرپرست زياته کړه، چې د تخنيکم انسټيټوټ ودانۍ د څو لسيزو جګړو پر مهال ويجاړه شوې او اوس يې بيارغونې ته اړتيا ده.

ښاغلي شهامت د تخنیکي او مسلکي زده کړو ادارې د ساختماني څانګې استادانو د ظرفیت د لوړولو او د دغې ادارې د ښوونیزو مرکزونو د زده کړیالانو او استادانو لپاره د تحصیلي بورسونو د ځانګړې کولو په برخه کې د روسیې د همکارۍ غوښتنه وکړه.

د تخنيکي او مسلکي زده کړو ادارې سرپرست زياته کړه، د افغانستان او روسيې د تخنيکي او مسلکي برخو مسؤلين د تجربو د تبادلې په موخه د يو او بل هېواد  لیدنې ته اړتيا لري.

د غونډې په دوام کې د کارپوهانو له ډلې د روسیې د کارپوهانو او ودانېزو چارو وزارت د ښوونیز مرکز مشر الکساندر شالیف، د کلتوري میراثونو د ساتنې د مرکز مشرې میرمن وجینیا میرونوا، د ساختمان مدیریت او ټکنالوژۍانسټیټوټ مشر نیکولای او د سیول انجینرۍ پوهنتون مرستیالې میرمن ویرا گالیشنیکوا خبرې وکړې او یو پرزنټیشن یې وړاندې کړ.

د مسکو د سیول انجینرۍ پوهنتون مرستیالې وویل، چې په دغه پوهنتون کې لېسانس، ماسټري او دوکتورا شامل دي.

نوموړې زیاته کړه، د مسکو د سیول انجینرۍ پوهنتون کولای شي په بېلابېلو برخو کې د تخنیکي او مسلکي زده کړو د مرکزونو د استادانو او زده کړیالانو لپاره روزنیز کورسونه جوړ کړي.

په پای کې د روسیې کارپوهانو او مسؤلینو ژمنه وکړه چې د ظرفیت لوړونې، د تخنیکي او مسلکي زده کړو د مرکزونو د ودانیو د بیارغونې او د تحصیلي بورسونو د ورکړې په برخو کې به د تخنیکي او مسلکي زده کړو د ادارې له غوښتنې سره سم همکاري وکړي.

د روسيې د کارپوهانو او ودانېزو چارو د وزارت د نړيوالو اړيکو مشرې مېرمن اناستازیا میخایلوف د همکارۍ د تحقق لپاره د همغږۍ په اړتيا ټينګار وکړ.

تازه خبرونه

دوشنبه ۱۴۰۴/۷/۱۴ - ۱۶:۴۶
Background image

د کاپیسا ولایت اړوند «حصه اول کوهستان» کرنې او وترنرۍ انسټیټوټ محصلینو د اناتومي په اړه په عملي بڼه روزنه ترلاسه کړه

د کاپیسا ولایت «حصه اول کوهستان» کرنې او وترنرۍ انسټیټوټ د وترنرۍ څانګې محصلینو ته د یاد ښوونیز مرکز په لابراتوار کې د څارویو د اناتومۍ په اړه په عملي ډول روزنه ورکړل شوه. نوموړو په دې. . .

دوشنبه ۱۴۰۴/۷/۱۴ - ۱۴:۷
Background image

د تخنیکي او مسلکي زده کړو ادارې له مدیریتي ښوونیز پروګرام څخه د مجاهدینو د فراغت لړۍ دوام لري

په میدان وردګو ولایت کې د تخنیکي او مسلکی زده کړو ادارې مسؤلین وایي چې د یاد ولایت اړوند سیدآباد ولسوالۍ د تخنیکي او مسلکي زده کړو مرکزونو څخه د شاوخوا ۶۰ تنه مجاهدینو د فراغت په پار یې. . .

دوشنبه ۱۴۰۴/۷/۱۴ - ۱۴:۵
Background image

د ګلبهار کثیرالرشتوي انسټيټوټ محصلین د کار بازار ته د ننوتلو لپاره د چمتووالي په موخه پرکتیک دورو ته معرفی شول

د پروان ولایت ګلبهار کثیرالرشتوي انسټیټوټ یو شمیر محصلین چې د فراغت په درشل کې دي دیاد ولایت اړوند جبل سراج ولسوالۍ ته د پرکتیک دورې لپاره معرفي شوي تر څو نوموړي وکولای شي به مستقیم ډول. . .

BACK TO NEWS