د تخنیکي او مسلکي زده کړو ادارې سرپرست د ترافیکو له عمومي رئیس سره خبرې اترې وکړې
د تخنيکي او مسلکي زده کړو ادارې سرپرست ښاغلي مولوي غلام حيدر شهامت د ترافيکو له عمومي رئيس پاسوال حسيب الله مختار سره په خپل کارې دفتر کې وکتل او خبرې اترې یې ورسره وکړې.
په دغې کتنه کې دواړو لورو د دواړو ادارو ترمنځ د ګډو همکاريو په هکله خبرې وکړې.
په دې کتنه کې ښاغلي مولوي شهامت د دغې ادارې لخوا مجاهدینو لپاره د چمتو شوي روزنیزې طرحې په اړه یادونه وکړه او همدارنګه د ترافیکو د عمومي ریاست اړونده مجاهدینو لپاره د زده کړو په اړه ډاډ ورکړ.
له بلي خوا د تخنيکي او مسلکي زده کړو ادارې د کارکوونکو لپاره د ترافيکي قوانینو د زده کولو په برخه کي پاسوال حسيب الله مختار هم د همکارۍ ژمنه وکړه.
دغه راز په دغې ناست کې دواړو لورو له دواړو نهادونو څخه د يوې ګډې کاري کميټې په جوړولو هوکړه وکړه.
