د برښنا په ریاست کې د بلخ د نفت او ګازو انسټیټوټ د عملي زده کړو څخه څارنه ترسره شوه
د بلخ د نفت او ګازو انسټیټوټ د برښنا څانګې د څوارلسم ټولګي زده کړیالان د یاد ولایت برښنا ریاست په بېلابېلو ورکشاپونو او څانګو کې پرکتیک دورې په ترسره کولو بوخت دي.
دوی د انجینرانو په لارښونه د نایب اباد سویچ سټیشن کې عملي زده کړې ترسره کوي.
د بلخ نفت او ګازو انسټيټوټ د عملي زده کړو د څارنې کمېټې د برښنا په ریاست کې د زده کړیالانو د عملي زده کړو بهير څارلی دي.
د تخنیکي او مسلکي زده کړو په مرکزونو کې تر ۶۰٪ سلنې زیاتې زده کړې عملي دي. چې له دې مرکزونو څخه د فراغت وروسته، زده کونکي او زده کړیالان په مستقیم ډول د کار بازار ته جذب شي.
