د پکتیا تخنیکي انسټیټوټ د ورکشاپ وضعیت بررسی ترسره شوه
د پکتيا ولايت تخنيکي او مسلکي زده کړو آمر مولوي غلام رسول سعيدي د یاد ولايت تخنيکي انسټیټوټ د موټرو د څانګې زده کړیالانو له عملي زده کړو څخه ليدنه وکړه.
ښاغلي سعیدي د تخنیکي انسټیټوټ د ورکشاپ تجهیزات او امکانات وارزول او د استادانو او زده کړیالانو وړاندیزونه یې واورېدل.
د تخنیکي او مسلکي زده کړو د مرکزونو د روزنیز نصاب تمرکز په عملي زده کړو دی، څو د دې مرکزونو فارغان له فراغت وروسته په مستقیم ډول د کار بازار ته جذب شي.
د مسلکي او ماهر کاري ځواک روزنه د تخنیکي او مسلکي زده کړو ادارې یو له مهمو موخو څخه دی.
