د کنړ ولایت تخنیکي او مسلکي زده کړو امر د دغه ولایت د ادارې او حسابدارۍ انسټیټوټ وضعیت بررسی کړ
د کنړ ولایت تخنیکي او مسلکي زده کړو امر مولوي شاکر الکوزي د دغه ولایت ادارې او حسابدارۍ له انسټیټوټ څخه لیدنه وکړه.
د دغه لیدنې په ترڅ کې ښاغلي الکوزي د کنړ ادارې او حسابدارۍ انسټیټوټ اداري او تدریسي برخو څخه لیدنه وکړه.
د کنړ تخنیکي او مسلکي زده کړو امر د دغه انسټیټوټ له استادانو او زده کړیالانو سره خبرې وكړې او د هغوى ستونزې او وړانديزونه يې واورېدل.
د کونړ د ادارې او حسابدارۍ انسټیټوټ په دې ولایت کې د تخنیکي او مسلکي زده کړو یو له مهمو مرکزونو څخه دی.
