د تخنیکي او مسلکي زده کړو ادارې مشرتابه د کابل ښار او ولسوالیو له امرینو سره ناسته ترسره کړه
د تخنيکي او مسلکي زده کړو ادارې مشر مولوي غلام حيدر شهامت په مشرۍ د کابل ښار او ولسواليو تخنيکي او مسلکي امرینو سره غونډه ترسره کړه.
په دې کتنه کې د کابل په مرکز او ولسوالیو کې د «د ښوونېزو مرکزونو ریفورم» طرحې په اړه بحث وشو.
د ستراتیژیک پلان او پالیسۍ رئیس روح الله شفیق د غونډې په پیل کې وویل، چې د دغه طرحې موخه د ښوونیزو خدمتونو د کیفیت د لوړولو او له سرچینو او ځواکونو څخه د اغېزمنې استفادې په موخه د یو شمېر ښوونیزو مرکزونو پراختیا، منحل او مدغم کول دي.
د تخنيکي او مسلکي زده کړو ادارې رئيس مولوي غلام حيدر شهامت هم وويل، چې د ښوونيزو مرکزونو له ریفورم څخه يې موخه د ټولو اړخونو د کيفيت لوړول او د مرکزونو لا همغږي کول دي.
ښاغلي شهامت د "د ښوونېزو مرکزونو ریفورم" طرحې په اړه خپلې لارښوونې او نظریات وړاندې کړل. د غونډې ګډونوالو د دغه طرحې په اړه هم خپل نظرونه شریک کړل او لازم تصمیمونه ونیول شول.
