د اکاډمیکو چارو مرستیال د کابل تجارت مسلکی انسټیټوټ څخه لیدنه وکړه
د تخنيکي او مسلکی زده کړو ادارې د اکاډمیکو چارو مرستيال استاد نورمحمد عزيزي او ورسره مل پلاوي د کابل تجارت مسلکی انسټیټوټ څخه ليدنه وکړه.
ښاغلی استاد عزیزي د دیارلسم او څوارلسم ټولګیو له تدریسي بهیر څخه لیدنه وکړه او د زده کوونکو ستونزې او وړاندیزونه یې واورېدل.
د تجارت مسلکی انسټیټوټ زده کړیالانو په دغه انسټيټوټ کې د استوګنې ځاي جوړولو غوښتنه وکړه.
ښاغلي عزيزي ډاډ ورکړ، چې د شته اسانتياوو له امله به د استوګنې ستونزه هواره شي او د فارغانو لپاره يې د کاري زمينې د برابرولو په موخه له يو شمېر دولتي ادارو سره مرکې کړې دي.
ورپسې استاد عزیزي د کابل د تجارت مسلکي انسټیټوټ د استادانو په غونډه کې ګډون وکړ او د استادانو غوښتنې او وړاندیزونه یې واورېدل.
ښاغلي عزيزي د دغه انسټیټوټ د امر محب الله اميري مدیریت او د استادانو د هڅو ستاينه وکړه.
