تخنیکي او مسلکي زده کړو په اداره کې د اداري پروسو د ساده کولو په اړه د همکارۍ هوکړه لیک د پلې کیدو پیل!
د تخنیکي او مسلکي زده کړو په اداره کې د اداري پروسو د ساده کولو په اړه د همکارۍ هوکړه لیک د پلې کیدو بهیر پیل شو.
دغه بهیر نن په هغه غونډه کې چې د تخنیکي او مسلکي زده کړو ادارې رهبرۍ او د چارو ادارې پلاوي او د دې ادارې پروسو د ساده کولو مشر بریالي ابدالي په مشرۍ جوړه شوې وه پیل شو.
ښاغلي ابدالي د يادې پروسې په اړه خبرې وکړې او ويې ويل، چې ياده پروسه به د تخنيکي او مسلکي زده کړو ادارې له مشرتابه سره په همغږۍ پر مخ وړل کېږي.
هغه وويل، د پروسو د ساده کولو اصلي موخه خلکو ته د ښو خدمتونو وړاندې کول دي.
په دې لړ کې د چارو اداری پلاوي د پریزنټیشن په وړاندې کولو سره د پروسې د ساده کولو طرحې بشپړه معلومات وړاندې کړل.
د کارکوونکو او مراجعینو رضایت زیاتول، د فساد کمول، د بیوروکراسۍ کمول، د خدماتو وړاندې کولو چټکتیا او د لګښتونو کمول د دې طرحې ځینې ګټې دي.
