د کابل بګرامیو ولسوالۍ کشیرالرشتوی انسټیټوټ څو پوړیزه ودانۍ ګتې اخیستنې ته وسپارل شوه
د کابل بګراميو ولسوالۍ کثیرالرشتوی انسټیټوټ درسی ودانۍ د یو لړ مراسمو په ترڅ کې چې د تخنیکي او مسلکي زده کړو ادارې د اکاډمیکو چارو مرستیال استاد نورمحمد عزیزي هم ګډون درلود، پرانیستل شوه.
دغه ودانۍ ۱۴ درسي ټولګي او درې دفتري خونې لري.
د کابل بګرامیو ولسوالۍ کثیرالرشتوی انسټیټوټ امر نوالرحمن عثماني وویل، د انستیتوت نوې ودانۍ په یو وخت کې ۵۰۰ زده کړیالانو ته د تدریس ورکولو ظرفیت لري.
ښاغلي عثماني زیاته کړه، چې د دې ودانۍ په پرانېستلو سره د زده کړیالانو لپاره د معیاري زده کړو ځای برابر شوی دی؛ خو دغه انسټيټوټ اوس مهال د کمپيوټر په ګډون د برېښنا او ځينو وسايلو له کمښت سره مخ دی. نوموړي د تخنیکي او مسلکي زده کړو ادارې له مشرتابه وغوښتل، چې ياد انسټیټوټ اړتياوو ته پاملرنه وکړي.
د تخنيکي او مسلکي زده کړو ادارې د اکاډمیکو چارو مرستيال استاد نورمحمد عزيزي، بګراميو ولسوالۍ کثیرالرشتوی انسټيټوټ د پرانېستې په مراسمو کې وويل، افغانستان ا.ا ژمن ده چې د هېواد په کچه ټولو هېوادوالو ته باکيفيته ښوونيز خدمتونو وړاندې کړی.
نوموړي ډاډ ورکړ، چې د روزنیزو مرکزونو لپاره به قوي تجهیزات او اسانتیاوې برابرې شي.
ښاغلي عزيزي ژمنه وکړه، چې د تخنيکي او مسلکي زده کړو ادارې مشرتابه، ددې ادارې ټولو روزنيزو مرکزونو د ستونزو هواري لپاره د حل لارې چارې ولټوي.
