د زده کوونکو او زده کړیالانو چارو رئیس د کابل ښار د تخنیکي او مسلکي زده کړو آمرینو سره مشورتي ناسته
د غونډې په پیل کې د تخنیکی او مسلکی زده کړو ادارې د زده کوونکو او زده کړیالانو چارو رئیس ښاغلي سید عباس ایوبي خبرې وکړې او ژمنه يې وکړه چې په راتلونکي پسرلي کې به ښځينه طبقې زده کړی پيل شي.
ښاغلي ایوبي، د تخنیکي او مسلکي زده کړو انسټیټونو او لېسو د استادانو د بشپړ ملاتړ په ترڅ کې زیاته کړه چې موږ ټول باید د هېواد د ځوان نسل د ښوونې او روزنې لپاره کار وکړو.
هغه د کابل تخنیکي او مسلکی زده کړو آمرینو ته لارښوونه وکړه چې د نویو محصلینو د جذب لپاره عملي لارې چارې ولټوي.
ښاغلي ایوبي د ښوونکو درسی پلان درلودل یوه مهمه برخه وبلله او ټینګار یې وکړ، چې د پلان له مخې به ښوونکي ځواب ورکوونکی وی.
د کابل ښار تخنيکي او مسلکي زده کړو آمرینو د زده کوونکو او زده کړیالانو چارو رئیس ښاغلي سيد عباس ايوبي سره د خپلې اداري ستونزی اوننګونې شریکې کړی.
د سوخت موادو کمښت، د استادانو د معاشانو او حق الزحمې نه ورکول، د تشکیل کمښت او د اوبو او برېښنا کمښت له لویو ننګونو څخه یادې کړی.
د غونډې په پای کې د زده کوونکو او زده کړیالانو چارو رئیس سید عباس ایوبي د تخنيکي او مسلکي زده کړو آمرینو سره ژمنه وکړه، چې د يادو ننګونو د حل لپاره به په ګډه کار کوي.
