د زابل ولایت د ارغنداب کثیرالرشتوي لېسې د درسي کتابونو ستونزه حل شوه
د زدهکړو د بهیر ښهوالي او زدهکوونکو ته د اړینو اسانتیاوو د برابرولو په موخه، د زابل ولایت ارغنداب ولسوالۍ کثیرالرشتوي لېسې د درسي کتابونو کمښت ستونزه د زابل د تخنیکي او مسلکي زدهکړو آمریت، استادانو او د یاد ولایت د تخنیکي او مسلکي زدهکړو مرکزونو د کارکوونکو په ګډه همکارۍ حل شوه.
په همدې موخه د بېلابېلو تعلیمي څانګو شاوخوا ۱۵۰ جلده درسي کتابونه برابر او یاد ښوونیز مرکز ته ووېشل شول، ترڅو زدهکوونکي وکولای شي له اړینو درسي سرچینو څخه په ښه توګه ګټه واخلي.
د زابل د تخنیکي او مسلکي زدهکړو آمریت مسؤلین دا اقدام د زدهکړو د کیفیت د پیاوړتیا او د مناسب تعلیمي چاپېریال د رامنځته کولو په برخه کې یو مهم ګام بولي.
د ارغنداب ولسوالۍ د کثیرالرشتوي لېسې زدهکوونکو او مسؤلینو هم له دې همکارۍ څخه مننه وکړه او د درسي کتابونو وېش یې د تدریس او زدهکړو د بهیر په ښهوالي کې اغېزمن وباله.
