د تخنیکي او مسلکي زده کړو ادارې د اکاډمیک بورډ غونډه ترسره شوه
د تخنیکي او مسلکي زده کړو ادارې د اکاډمیک بورډ غونډه د دې ادارې مقام دفتر رئیس ښاغلي مولوي شاکرالله الکوزي په مشرۍ ترسره شوه.
د دې غونډې په پیل کې، د متعلمینو او محصلینو چارو ریاست د تخنیکي او مسلکي زده کړو مرکزونو د بدل اعاشې او لیلیې پر لایحې د اصلاحاتو د څرنګوالي په اړه توضیحات وړاندې کړل.
همدارنګه، د دې ناستې په دوام کې، د تخنیکي او مسلکي زده کړو ادارې د تحقیق او نوښت ریاست د کارموندنې «کاریابي» او شغلي مشورو وړاندې کولو مرکزونو د جوړولو میکانیزم په اړه خبرې وکړې.
له بلې خوا، د تضمین کیفیت ریاست مسولینو د تضمین کیفیت او اعتبار ورکولو سیسټم د مسودې چوکاټ په اړه اړین توضیحات وړاندې کړل.
ګډونوالو په دې غونډه کې د بحث شویو موضوعاتو په اړه خبرې وکړې او د موضوع په اړه یې خپل نظرونه شریک کړل.
د نن ورځې په اکاډمیک بورډ غونډه کې په یو شمیر نورو اړونده موضوعات هم بحث وشو او غونډه د دعایی په ویلو سره پای ته ورسیده.
