د میدان وردګو ولایت د تخنیکي او مسلکي انسټیټوټ زده کونکو د موټر (Cooling) سیسټم په اړه عملي روزنه ترلاسه کړه
د میدان وردګو ولایت اړوند مرکز تخنیکي او مسلکي انسټیټوټ د موټر څانګې، یوولسم ټولګي زده کونکو ته د موټر د (Cooling) سړولو سیسټم په اړه په عملي بڼه روزنه ورکړل شوه.
په یادې درسي جلسه کې،لارښود استاد د درسي پلان سره سم زده کونکو ته د موټرو په (Cooling) سړولو سیسټم کې د "پکې" اهمیت په عملي ډول تشریح کړه. دغه راز زده کونکي هم د دغه سیسټم د کارولو څرنګوالی له نږدې څخه ولیده او ورسره بلد شول.
د زده کونکو لخوا د عملي روزنو د زده کولو موخه، د موضوع ښه درک کول او په راتلونکي کې د عملي کار لپاره ډیر چمتوالی او آمادګی ویل کېږي.
په ورته وخت کې، د تخنیکي او مسلکي زده کړو ادارې رهبري هڅه کوي چې د دې ادارې په ټولو ښوونیزو مرکزونو کې د عملي زده کړو لا ډیرې زمینې برابرې کړي.
