د تخنیکي او مسلکي زده کړو د یوه ښوونیز مرکز محصلین په مخابراتو ریاست کې پر عملي زده کړو بوخت دي
د لغمان ولایت اړوند مرکز د کثیرالرشتوي انسټیټوټ د ډیټابیس او شبکې څانګې محصلینو د یاد ولایت مخابراتو ریاست ته علمي سفر وکړ ترڅو د پرکتیکې دورې په ترڅ کې عملي روزنه ترلاسه کړي.
لارښود استاد په دې درسي جلسه کې، محصلینو ته د استحقاق،استعلاو او د اداري پیشنهاداتو چمتو کولو څرنګوالي په اړه مفصل توضیحات ورکړل.
ټاکل شوې چې محصلین به د مخابراتو ریاست کې د یوې پرکتیکې دورې په ترڅ کې د بیلابیلو اداري موضوعاتو په اړه روزنه ترلاسه کړي.
د عملي روزنو زده کړه له محصلینو سره مرسته کوي ترڅو نوموړي له فراغت وروسته د کار په بازار کې جذب شي.
له همدې امله، د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو په مرکزونو کې د عملي زده کړو لړۍ نوره هم پیاوړې کړي.
