د نیمروز ولایت د زرنج کرنې مسلکي انسټیټوټ د زده کونکو د عملي زده کړو بهیر
د نیمروز ولایت د کرنې مسلکي انسټيټوټ د عمومي کرنې څانګې یوولسم ټولګي زده کوونکو ته د زراعتي ځمکو د اوبولګولو په اړه په عملي ډول روزنه ورکړل شوه.
په دې درسي جلسه کې، نوموړو د پرمختللي اوبو لګولو څرنګوالی او همدارنګه د خاورې او اوبو ترمنځ د اړیکو په اړه په عملي بڼه روزنه ترلاسه کړه، دغه راز لارښود استاد د هغوی پوښتنو ته ځوابونه هم وویل.
عملي زده کړې، د زده کړو د بنسټیزو ستنو په توګه، محصلینو سره مرسته کوي ترڅو دندې رامینځته او د کار په بازار کې د جذب کېدو توان ترلاسه کړي.
له همدې امله، د تخنیکي او مسلکي زده کړو ادارې رهبري د تخنیکي او مسلکي زده کړو په مرکزونو کې د عملي زده کړو پر لا پیاوړتیا ټینګار کوي.
