په میدان وردګو ولایت کې د ښځینه محبوسینو لپاره لنډ مهاله حرفوي پروګرام پیل شو
د میدان وردګو ولایت د تخنیکي او مسلکي زده کړو آمریت د یاد ولایت د محبس مسوولینو په همکارۍ ښځینه محبوسینو ته د لاسي صنایعو لنډ مهاله روزنیزحرفوي پروګرام پیل کړ.
د دغه پروګرام د پرانېستې په مراسمو کې ويناوالو د تخنيک او مسلک په اهميت خبرې وکړې او د یاد ښوونيز پروګرام له ګډونوالو يې وغوښتل چې له دې فرصت څخه په سمه توګه ګټه پورته کړي ترڅو خپلې کورنۍ او ټولنې ته د خدمت جوګه شي.
دا په داسې حال کې ده، چې د تخنيکي او مسلکي زده کړو ادارې رهبري د زندانونو چارو د سمون له ادارې سره د تفاهم ليک په لاسليک کولو سره هڅه کوي تر څو د هېواد محبوسین بیاځلي ټولنې ته ادغام شي.
