د تخارولایت په تخنیکي او مسلکي انسټيټوټ کې د لنډ مهاله حرفوي پروګرامونو له تدریسي بهیر څخه څارنه وشوه
د تخار ولایت د تخنیکي او مسلکي زده کړو آمریت مسوولینو د یاد ولایت اړوند په تخنیکي او مسلکي انستیتوت کې د لنډ مهاله حرفوي پروګرامونو له تدریسي بهیر څخه لیدنه وکړه.
په دې ليدنه کې د برښنايي وسایلو د ترمیم او د کمپیوټر څانګې د لنډ مهاله حرفوي پروګرامونو د تدریس څرنګوالی وڅیړل شو او د چارو د ښه والي په برخه کې کارکوونکو ته لازمې مشورې هم ورکړل شوې.
دغه راز په دې کتنه کې يو شمېر نوښتګرو او خلاقو ځوانانو هم خپل نوښتونه نندارې ته وړاندې کړل، چې د مسوولينو له خوا وستايل شول.
د يادونې وړ ده، چې اوس مهال په ټول هېواد کې د تخنيکي او مسلکي زده کړو ادارې په بېلابېلو حرفوي پروګرامونو کې سلګونه کسان په زده کړو بوخت دي.
