دیدار مولوی غلام حیدر شهامت از دارالعلوم « احیاء السنة شکیبان» هرات
د تخنيکي او مسلکي زده کړو ادارې سرپرست الحاج مولوي غلام حيدر شهامت هرات ولايت ته د خپل سفر په ترڅ کې د یاد ولايت د « احیاء السنة شکیبان» له دارالعلوم څخه ليدنه وکړه.
په دغه کتنه کې نوموړي د دیني علومو د دغه مرکز له زده کوونکو او مهتمم سره په بېلابېلو موضوعاتو خبرې وکړې.
د تخنيکي او مسلکي زده کړو ادارې سرپرست د « احیاء السنة شکیبان» دارالعلوم له مسوولينو سره په کتنه کې وويل چې د ديني علومو ښوونيز مرکزونه د اسلامي امت په روزنه کې رغنده رول لوبوي.
په دې غونډه کې پر یو شمېر نورو مسایلو هم خبرې وشوې او مولوي شهامت ژمنه وکړه، چې حکومت په هېواد کې له علمي مرکزونو څخه ملاتړ کوي.
د يادونې وړ ده، چې اوسمهال د تخنيکي او مسلکي زده کړو ادارې سرپرست او ورسره مل پلاوى یې په هرات ولايت کې حضور لري.
هرات ولایت ته د نوموړو د سفر موخه د تخنیکي او مسلکي زده کړو او علمي مرکزونو ستونزو او اړتیاوو ته رسیدګی او هوارول ویل شوې ده.
