د فرخار د کرنې او وترنرۍ انسټیټوټ محصلینو ته د حیواني ناروغیو په اړه عملي روزنه ورکړل شوه
د تخار ولایت د فرخار ولسوالۍ اړوند د کرنې او وترنرۍ انسټيټوټ د وترنرۍ څانګې محصلینو ته د حیوانی ناروغیو په اړه په عملی بڼه روزنه ورکړل شوه.
لارښود استاد د لوست په ترڅ کې محصلینو ته د حیواني ناروغیو او حیواني ناروغیو د درملنې د څرنګوالي په اړه په مفصله توګه توضیحات ورکړل.
د تخنیکي او مسلکي زده کړو په مرکزونو کې عملي زده کړې د دې مرکزونو له فارغانو سره مرسته کوي تر څو نوموړي له فراغت وروسته په مستقیم ډول د کار بازار ته جذب شي.
له همدې امله د تخنيکي او مسلکي زده کړو ادارې رهبري تل هڅه کوي چې د تخنيکي او مسلکي زده کړو په مرکزونو کې د عملي زده کړو بهير لا پیاوړی کړي.
