د تخنيکي او مسلکي زده کړو ادارې څخه یوه پلاوي کندهار ولايت ته سفر وکړ
د تخنيکي او مسلکي زده کړو ادارې د تخنيکي او مسلکي چارو مرستيال مولوي غلام سعيد احساس په مشرۍ يوه پلاوي د هیواد بیلا بیلو ولایتونو کې د تخنيکي او مسلکي زده کړو مرکزونو د څېړنو په دوام، کندهار ولايت ته سفر وکړ
دغه پلاوي دکندهار ولايت د ژړی ولسوالۍ اړوند کثيرالرشتوی انسټيټوټ څخه ليدنه وکړه او ددغه مرکز له ټولو تحصلیي اسنادو او کاري چارو يې څارنه وکړه .
په همدې حال کې د تخنیکي او مسلکي زده کړو ادارې د ارشاد او دعوت رئیس له محصلینو او کارکوونکو سره وکتل او هغوی ته یې د اسلام د سپیڅلي دین او د اسلامي شریعت له نظره د ژوند کولو د څرنګوالي په اړه معلومات ورکړل.
د اشاد او دعوت رئیس له محصلینو او کارکوونکو وغوښتل چې په خپلو ټولو چارو کې د اسلامي شریعت اصول مراعات کړي.
دا په داسې حال کې ده چې دغه پلاوي تر دې وړاندې د دایکندي، فراه، غور، نیمروز او هلمند ولایتونو په ګډون د بېلابېلو ولایتونو د تخنیکي او مسلکي زده کړو د مرکزونو له وضعیت څخه څارنه کړې ده.
