د پروګرامونو د څیړنې ریاست د صکوکو مطبعې له رئیس سره وکتل
د تخنيکي او مسلکي زده کړو ملي ادارې د پروګرامونو د څيړنې او تضمين کيفيت رئيس محترم مفتي سيد محسن سادات په خپل دفتر کې د صکوکو مطبعې له رئيس سره وکتل.
په دې ناسته کې د لوړو زده کړو سرچینو ته د لاسرسي، د محصلینو لپاره د کارآموزۍ او عملي تجربو اسانتیا، د نویو څانګو رامنځته کول، د تخصصي کاري ځواک د ودې او د کار په بازار کې د اړتیا وړ مهارتونو د تقاضا زیاتولو په ګډون په بېلابېلو موضوعاتو خبرې وشوې.
دواړو خواوو خپل نظریات او لیدلوري سره شریک کړل او د ماهر کاري ځواک د ښوونې او روزنې د کیفیت لوړولو لپاره د یوې ستراتیژۍ په جوړولو ټینګار وشو.
دا په داسې حال کې ده، چې د پروګرامونو د څېړنې او تضمین کیفیت ریاست له دې وړاندې هم د تحصیلي څانګو نیاز سنجۍ په اړه له یو شمېر بېلابېلو بنسټونو سره ناسته ترسره کړې ده.
