د چپرهار کرنې مسلکي انسټيټوټ کې شپږ میاشتنۍ لنډ مهاله عملي روزنیزه دوره پای ته ورسیده
د ننګرهار ولایت د تخنیکي او مسلکي زده کړو آمریت مسوولین د یاد ولایت د چپرهار کرنې مسلکي انسټيټوټ کې د شپږ میاشتنۍ لنډ مهاله عملي روزنیزه دوره چې IF Hope موسسې له لوري په لاره اچول شوې وه د پای ته رسیدو خبر ورکوي.
د شپږ میاشتني لنډ مهاله عملي روزنیزې دورې د پای مراسم چې د ننګرهار ولایت د چپرهار ولسوالۍ په تالار کې ترسره شول په یادو مراسمو کې د چپرهار ولسوالۍ د تخنیکي او مسلکي زده کړو آمریت مسولینو، د یادې ولسوالۍ مسولینو، او د یاد انسټيټوټ استادانو او محصلینو هم حضور درلود.
ويناوالو د خپلو ویناو په ترڅ کې د IF Hope موسسې څخه د مننې ترڅنګ زياته کړه، چې د کرنې په برخه کې عملي زده کړه ډېر مهم او ارزښتناک دي، دغه راز يې د همکارو بنسټونو له مسوولينو هم وغوښتل، چې په دې برخه کې خپلو همکاريو ته دوام ورکړي.
د مراسمو په پای کې د IF Hope موسسې لخوا د چپرهار کرنې مسلکي انسټیټوټ محصلینو ته تصدیق لیکونه هم ورکړل شول.
