د تخنیکي او مسلکي زده کړو ادارې د کارکوونکو لپاره د انګلیسي ژبې زده کړییز پروګرام جوړ شو
د تخنیکي او مسلکي زده کړو ادارې د بشري سرچینو ریاست لخوا د دې ادارې کارکوونکو ته د ظرفیت لوړونې په موخه د انګلیسي ژبې د زده کړییز پروګرام د پیل خبر ورکوي.
د بشري سرچینو ریاست مسوولین وايي؛ د تخنیکي او مسلکي زده کړو ادارې کارکوونکي د انګلیسي ژبې د زده کړې لپاره د تثبیټ سویې وروسته د انګلسي ژبې د زده زده کړې په موخه په ښوونیزو ټولګیو کې شامل شوي دي.
دا په داسې حال کې ده چې د تخنیکي او مسلکي زده کړو ادارې د بشري سرچینو ریاست په بېلابېلو برخو کې د یادې ادارې د کارکوونکو لپاره د ظرفیت لوړونې پروګرامونه جوړ کړي دي.
