د مالي او اداري چارو معاونیت غونډه جوړه شوه
د تخنيکي او مسلکي زده کړو ادارې د مالي او اداري معاونیت غونډه د دې ادارې د مالي او اداري معاون ښاغلي مفتي فضل الرحمن فضلي په مشرۍ جوړه شوه.
د یادې غونډې په پیل کې د مالي چارو معاونیت د تېرې غونډې پرېکړې وڅېړل شوې او اړوندو برخو د خپلو کړنو راپور وړاندې کړ.
د غونډې په دوام کې د مالي چارو معاونیت، د پلټنې عالي ادارې د سفارشونو د تطبیق په اړه خبرې وکړې او په دې اړه ګډونوالو خپل نظریات شریک کړل.
په همدې حال کې په دې غونډه کې په نورو مالي مسایلو هم خبرې وشوې او غونډه په دعایې پای ته ورسیده.
