د خُلم ولسوالۍ د کثیرالرشتوي لېسې زده کوونکو د عملي زده کړو بهیر
د بلخ ولایت د خُلم ولسوالۍ د کثیر الرشتوي لیسې زده کوونکو ته د نباتاتو د حجرو په اړه په یوې درسي جلسه کې روزنه ورکړل شوه.
همدارنګه لارښود استاد محصلینو ته مایکروسکوپ په بشپړ ډول معرفي کړ او د نباتاتو حجرې یې په عملي بڼه زده کوونکو ته وښودلې.
د تخنیکي او مسلکي زده کړو په مرکزونو کې ډیری زده کړې عملي دي او د دې مرکزونو فارغان په مستقیم ډول د کار بازار ته جذبیږي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
