د تخنیکي او مسلکي زده کړو ادارې د پلاوي له لوري د ولایتي سفرونو راپور وړاندې شو
د تخنيکي او مسلکي زده کړو ادارې د پلاوي له لخوا د ولايتي سفرونو راپور د یادې ادارې له سرپرست ښاغلي الحاج مولوي غلام حيدر شهامت سره شریک کړ.
په دغه راپور کې د ولایتونو د تخنیکي او مسلکي زده کړو د مرکزونو پر ستونزو او اړتیاوو خبرې وشوې. همدارنګه په دې ناسته کې د تعلیمي نصاب د تطبیق او عملي کار پر څرنګوالي بحث وشو.
په ورته وخت کې ګډونوالو د تخنیکي او مسلکي زده کړو د مرکزونو د ستونزو د حل په اړه خپل نظرونه شریک کړل او په دې برخه کې یې د حل لارې چارې هم وړاندې کړې.
بل پلو د تخنيکي او مسلکي زده کړو سرپرست د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار وکړ او ويې ويل، چې د تخنيکي زده کړو د مرکزونو ستونزې بايد حل شي.
