د لغمان د تخنیکي آمریت او التقوی تحصیلي مؤسسې ترمنځ هوکړه لیک
مفتي ذبیح االله حقاني، د لغمان ولایت تخنیکي آمر د التقوی د لوړو زده کړو مؤسسې له علمي معاون، ډاکټر عبدالحمید سیرت سره هوکړه لیک لاسلیک کړ.
د دغه هوکړه لیک پر بنسټ، د تخنیکي او مسلکي زده کړو مرکزونو فارغینو ته د التقوی لوړو زده کړو په مؤسسه کې د لوړو زده کړو ترسره کولو زمینه برابره شوې ده.
له بل لوري، د التقوی لوړو زده کړو په مؤسسه کې د عملي زده کړو ترلاسه کولو زمینه ددغه هوکړه لیک له ګټو څخه ګڼل کیږي.
دواړو لورو د دغه هوکړه لیک د لاسلیک په وخت کې د هوکړه لیک د ټولو موادو په پلي کولو ټینګار وکړ.
