د مالي او اداري چارو مرستیال د کوچیانو د همغږۍ چارو رئیس سره وکتل او خبرې اترې یې وکړي
د تخنيکي او مسلکي زده کړو ادارې مالي او اداري چارو مرستيال مفتي فضل الرحمن فاضل په خپل کاري دفتر کې د کوچيانو چارو د همغږۍ له عمومي رئيس مولوي ګلزارين کوچي سره وکتل او خبرې اترې یې وکړي.
په دغې کتنه کې د تخنیکي او مسلکي زده کړو ادارې د تعلیمي او تحصیلي چارو عمومي رئیس مولوي مبشر آغا هم حضور درلود.
په دغې لیدنه کې دواړو لورو د ګډو همکاريو په هکله خبرې وکړې.
په دغې ناسته کې ښاغلي کوچي د کوچیانو لپاره د کرنې او وترنري په څانګو کې زده کړو په اړه خبرې وکړې او په دې برخه کې یې د تخنیکي او مسلکي زده کړو ادارې د همکارۍ غوښتنه وکړه.
دغه راز په دغې کتنه کې مولوي مبشر آغا وويل دغه اداره چمتو دى چې په هېواد کې د کوچيانو لپاره تخنيکي او مسلکي زده کړو زمینه برابره کړي.
دغه راز مفتي فضل الرحمن فاضل د تخنيکي او مسلکي زده کړو ادارې په اړه توضيحات وړاندې کړل او د کوچيانو چارو د همغږۍ له عمومي رياست سره يې د همکارۍ ډاډ ورکړ.
دواړو لورو د ګډو کاري ډلو پر جوړولو او د همکاریو د ساحو په ټاکلو هوکړه وکړه.
