د تخنیکي او مسلکي زده کړو ادارې اونیزه اصلاحي غونډه ترسره شوه
د تخنیکي او مسلکي زده کړو ادارې اونیزه اصلاحي غونډه د دغې ادارې د تعلیمي او تحصیلي چارو رئیس مولوي مبشر اغا په وینا د کارکوونکو په حضور کې ترسره شوه.
نوموړي په خپلو خبرو کې د غفلت او د هغې پر لاملونو خبرې وکړې.
مولوي مبشر اغا غفلت يوه ناروغي وبلله او ويې ويل، چې ډېری خلک دغه ناروغۍ ته متوجې نه دي.
هغه وویل چې الله تعالی (ج) انسان ته عقل ورکړی دی او که انسان له عقل څخه کار وانخلي او بې پروايي وکړي د هغه حیثیت تر څاروي هم بدتر دی.
مولوي مبشر اغا ټینګار وکړ چې خدای (ج) خپل بندګان له غفلت څخه منع کوي او غفلت د خدای د عذاب سبب کیږي.
هغه سپارښتنه وکړه چې دیني پوهه، د الله تعالی (ج) ذکر، د قرآن کریم تلاوت او توبه د غفلت مخه نیسي.
غونډه د خیر دعا په ویلو سره پای ته ورسیده.
