د کابل ښار میخانیکي انسټیټوټ کې لنډ مهاله حرفوي کورس پیل شو
دغه دری میاشتنۍ حرفوي کورس د کابل په میخانیکي انسټیټوټ کې د تخنیکي او مسلکي زده کړو ادارې د حرفوي برنامو د سمون ریاست له خوا په لاره واچول شو.
په دغه پروګرام کې تر ۵۰ زیاتو کسانو ته د خیاطۍ او سولر سیسټم زده کړې ورکول کیږي.
د تخنيکي او مسلکي زده کړو ادارې د حرفوي برنامو د سمون رئیس عبدالودود هوتک د لنډ مهاله حرفوي کورسونو پر اهميت د ټينګار تر څنګ وويل، چې د حرفې او مسلک په زده کړه سره کولای شو، « د حلاله روزي لاسته راوړو«.
په وروستیو میاشتو کې په مرکز او ولایتونو کې تخنیکي او مسلکي زده کړو ادارې سلګونو کسانو ته لنډ مهاله روزنیز کورسونه په لاره اچولې دي.
په دغه کورسونو کې د لمریزې برښنا انجینرۍ (سولر سیسټم)، موبایل او خیاطۍ مهارتونه تدریس کیږي.
دغه روزنیز کورسونه د هیوادوالو د روزلو او د هغوی د کارموندنې په موخه په لاره اچول کیږي.
