د تخنیکي او مسلکي زده کړو ادارې سرپرست د انرژۍ، اوبو او برښنا وزارت له سلاکار سره وکتل
د تخنيکي او مسلکي زده کړو ادارې سرپرست مولوي غلام حيدر شهامت د انرژۍ، اوبو او برښنا وزارت له سلاکار ډاکټر فاروق اعظم سره د خپل کار په دفتر کې وکتل.
په دې کتنه کې دواړو لورو په هېواد کې د تخنیکي او مسلکي زده کړو د پیاوړتیا په اړه بحث او خبرې اترې وکړې.
ډاکټر فاروق اعظم تخنيکي او مسلکي زده کړې د هېواد د اقتصاد د ودې لپاره مهمې وبللې.
د انرژۍ، اوبو او برښنا وزارت سلاکار هم په هېواد کې د زندانیانو او معلولینو لپاره حرفوي او مسلکي زده کړې مهمې وبللې.
په دې کتنه کې ښاغلي شهامت د تخنیکي او مسلکي زده کړو په اداره کې د مثبتو بدلونونو یادونه وکړه. هغه د کار د بازار د تحلیل پر بنسټ د کرنې ښوونیز نصاب معیاري کول د دې ادارې له لاسته راوړنو څخه وبلل.
ښاغلي شهامت همدا راز زیاته کړه، هڅه کوو چې په دغه اداره کې د کیفیت په برخه کې لا زیات کار وکړو.
د تخنيکي او مسلکي زده کړو ادارې سرپرست د هېواد د اقتصاد د ودې لپاره تخنيکي او مسلکي زده کړې مهمې وبللې.
دوی د کار بازار له مخې د بشري سرچینو پر روزلو ټینګار وکړ.
