د غزني په جاغوري کې د تخنیکي او مسلکي زده کړو په مرکزونو کې د زده کړیالانو د جذب کمپاین پیل شوی دی
د غزني ولایت د کثیرالرشتوی جاغوري انسټیټوټ د جلب او جذب کمیټې د تخنیکي او مسلکي زده کړو په اړه د معلوماتو ورکولو په موخه د دغه ولسوالۍ له ښوونیزو مرکزونو څخه لیدنه وکړه.
د دغې کمېټې غړو د جاغوري په بازار کې یو شمېر پاڼې او اعلاناتي مواد نصب او ووېشل کړل.
د تخنيکي او مسلکي زده کړو په مرکزونو کې د زده کړیالانو د جذب پروسه د کب په مياشت کې پيل شوه.
د دغه کمپاین موخه د تخنیکي او مسلکي زده کړو د اهمیت په اړه د عامه پوهاوي لوړول دي.
