د ولایتونو د تخنیکي او مسلکي زده کړو آمریتونو د فعالیتونو په اړه لنډ راپور
♦ لوګر
د لوګر د تخنیکي او مسلکي زده کړو آمریت د څارنې پلاوي د یاد ولایت د میخانیکي لېسې وضعیت وڅېړه.
دغه پلاوي د لوګر د میخانیکي لېسې له آمر سره په خبرو کې د یادې لېسې ستونزې او وړاندیزونه واورېدل.
د لوګر د تخنیکي او مسلکي زده کړو آمریت پلاوي د یاد ولایت د میخانیکي عالي لېسې د اداري او تدریسي چارو د ښه والي په موخه لازمې سپارښتنې وکړې.
♦ کندز
د کندز ولايت د تخنيکي او مسلکي زده کړو آمر فريد احمد لکڼ خيل د یاد ولايت د اسلامي بانک له مدیر سره وکتل .
په دې کتنه کې د اسلامي بانک او د کندز د تخنيکي او مسلکي زده کړو د آمریت ترمنځ د همکاريو په باب خبرې وشوې.
♦ کنړ
د تخنیکي او مسلکي زده کړو آمریت میاشتنۍ غونډه د یاد ولایت د مسلکي ښوونځیو او انسټیټونو د آمرینو او تدریسي مدیرانو په حضور کې ترسره شوه.
په دې کتنه کې د کنړ د تخنیکي او مسلکي زده کړو د مرکزونو د ستونزو د څیړلو ترڅنګ په دغه مرکزونو کې د زده کوونکو د جذب د زیاتوالي په اړه هم خبرې وشوې.
♦ لغمان
د لغمان ولایت د تخنیکي او مسلکي زده کړو آمریت د څارنې پلاوي د یاد ولایت په مرکز کې له مسلکي لیسې څخه لیدنه وکړه.
نوموړي پلاوي د لغمان د مرکز اړوند مسلکي لېسې ستونزې وڅېړلې او د یادې لېسې د اداري او تدریسي چارو د لا ښه والي په موخه یې لازمې سپارښتنې وکړې.
