د افغانستان د تخنیکي او مسلکي ادارې د حرفوي زده کړو د سمون رئیس له مرستیال والي سره وکتل
د افغانستان د تخنیکي او مسلکي ادارې د حرفوي زده کړو د سمون رئیس مولوي عبدالودود هوتک د کندهار له مرستیال والي الحاج مولوي حیاتالله مبارک سره وکتل.
ښاغلي مولوي عبدالودود هوتک کندهار ته د خپل سفر په اړه وویل، چي دلته د تخنیکي او مسلي زده کړو امریت د کارونو، لاسته راوړنو او راتلونکو پلانونو نظارت ترسره کول، د کندهار ولایت په ټولو ولسوالیو کښي د تخنیکي او مسلکي زده کړو مرکزونو جوړول، د موسساتو جلبول او د کندهار د تخنیکي او مسلکي زده کړو امریت ته د لازمو امکاناتو برابرول یې د سفر عمده اهداف دي.
ښاغلي هوتک زیاته کړه، چي ادارې د نظامي او ملکي کسانو لپاره په تخنیکي او مسلکي زده کړو کي ډېر خدمات ترسره کړي او د نورو پرمختګونو ترڅنګ تازه یې په حرفوي زده کړو کښي ۱۷ نوري رشتي هم اضافه کړي، چي ډېر ژر به خلک عملاً پکښي زده کړي ترسره کړي او پر نورو رشتو باندي هم کار روان دئ.
د کندهار مرستیال والي الحاج مولوي حیاتالله مبارک د افغانستان د تخنیکي او مسلکي ادارې د نظامي او ملکي کسانو ته یې د تخینکي او مسلکي زده کړو په برخه کښي د دوی خدمتونه وستایل.
مرستیال والي په خپلو خبرو کښي د ولایتي ادارې په استازیتوب د هر ډول همکاریو ډاډ وړاندي کړ.
