ښاغلي مولوي غلام سعید احساس د غور ولایت له والي سره ناسته ترسره کړه
د تخنیکي او مسلکي زده کړو ادارې د تخنیکي او مسلکي چارو مرستیال مولوي غلام سعید احساس او ورسره مل پلاوي یې په غور ولایت کې د یاد ولایت له والي مولوي حیات الله مبارک سره وکتل.
محترم مولوي احساس په دې ناسته کې د غور له والي سره د یاد ولایت د تخنیکي او مسلکي زده کړو د مرکزونو ستونزې او ننګونې شریکې کړې.
نوموړي د تخنيکي او مسلکي زده کړو ادارې په اړه په مختصره توګه خبرې وکړې او زياته يې کړه، چې د بېوزلۍ له منځه وړل او د ماهر کاري ځواک روزنه د دې ادارې له مهمو موخو څخه دي.
د تخنيکي او مسلکي چارو مرستيال په غور ولايت کې د مجاهدينو د روزنې په باب هم توضیحات وړاندې کړل او ويې ويل چې اوس مهال په ټول هيواد کې مجاهدين د تخنيکي او مسلکي زده کړو يه مرکزونو کې په زده کړو بوخت دي .
په دې کتنه کې په نورو اړوندو موضوعاتو هم خبرې وشوې او د غور ولایت والي د تخنيکي او مسلکي زده کړو ادارې د پروګرامونو څخه د ملاتړ ترڅنګ زياته کړه چې په یاد ولايت کې به د تخنيکي او مسلکي زده کړو د مرکزونو ستونزو او ننګونو ته رسیدګي وشي.
