ښاغلي مولوي غلام سعيد احساس د غور ولایت د تخنیکی او مسلکي زده کړو مرکزونو له مسؤلینو سره غونډه ترسره کړه
د تخنیکي او مسلکي زده کړو ادارې د تخنیکي مرستیال ښاغلي مولوي غلام سعید احساس په مشرۍ د یادې ادارې پلاوي د غور ولایت د تخنیکي او مسلکي زده کړو له مرکزونو څخه د لیدنې په ترڅ کې د غور ولایت د تخنیکي او مسلکي زده کړو د مرکزونو له مسوولینو او کارکوونکو سره غونډه جوړه کړه.
په دې ناسته کې د تخنیکي او مسلکي زده کړو د مرکزونو پر ستونزو او د اړتیاوو د حل پر څرنګوالي خبرې وشوې.
په دې کتنه کې محترم مولوي احساس وویل، خلکو ته د علم وړاندې کول او ور زده کول یوه سپیڅلې دنده ده او له مسوولینو یې وغوښتل چې د دې سپېڅلي دندې په ترسره کولو کې له اخلاص او صداقت څخه کار واخلي.
همداراز د غونډې ګډونوالو لپاره د تخنیکي او مسلکي زده کړو ادارې پلاوي لخوا د چارو د ښه والي په موخه سیمینار هم وړاندې وړاندې شو.
نوموړو د تخنیکي او مسلکي زده کړو مرکزونو د مسؤلینو د وړاندیزونو او ستونزو د حل کولو د ژمنې ترڅنګ په ځینو موضوعاتو کې یې هغوی ته لازمې هدایات هم ورکړل.
د يادونې وړ ده، چې تر دې وړاندې د تخنيکي او مسلکي زده کړو ادارې پلاوي د یاد ولايت د مرکز، تیوره، لعل سرجنګل او دولت يار ولسوالیو له تخنيکي او مسلکي زده کړو مرکزونو له وضعیت څخه څارنه کړې ده.
