ښاغلي مولوي غلام حیدر شهامت د اوبو او انرژۍ وزارت د اوبو له مرستیال سره خبرې اترې وکړې
د تخنیکي او مسلکي زده کړو ادارې سرپرست ښاغلي مولوي غلام حیدر شهامت په خپل کاري دفتر کې د اوبو او انرژۍ وزارت د اوبو له مرستیال ښاغلي انجنیر مجیب الرحمن عمر سره وکتل او خبرې اترې یې ورسره وکړې.
په دغې کتنه کې دواړو لورو د دواړو نهادونو ترمنځ د همکارۍ پر څرنګوالي خبرې وکړې.
په ورته وخت کې د تخنيکي او مسلکي زده کړو ادارې سرپرست د دغې ادارې د ښوونیزو مرکزونو د برښنا څانګې فارغانو په اړه خبرې وکړې او د انرژۍ او اوبو له وزارت څخه يې د هغوى د جذب غوښتنه وکړه.
د تخنيکي او مسلکي زده کړو ادارې مشرتابه تل هڅه کوي چې د دغې ادارې د ښوونیزو مرکزونو فارغانو ته د کار زمينه برابره کړي.
